مسلسل زوجتى الخطيره
 |
| مسلسل زوجتى الخطيره |
مسلسل " زوجتى الخطيره" :
ولكن الاحداث تكاد تكون مختلفه يعني مش بالظبط ... خصوصا ان اغلب احداث الفيلم خلصت اول حلقه ... في مشاهد مشابهه للفيلم غير الفكره يعني وفي مشاهد لا والاغلبيه مختلفه ... وكمان الاتراك مبيعرفوش يطلعوا بطل سئ او شرير كامل ... لازم يطلعهولك وحش وابن تيييت مسلسل بس لازم يجبهولك انه اتظلم مثلا او ان جواها بذره خير بتنبت وكده باستثناء مروه جرائم طبعا :D
الستات ان كيدهن عظيم فعلا ... الست كانت نسمه عرفت ان جوزها بيخونها قلبت اجاثا كريستي في ثانيه :D
بالنسبه لاخراج كويس وفيه مشاهد جميله جدا ولكن مشهد دخوله البيت لما اكتشف انها مش موجوده البيت مترتب ومنظم وفي شوية دم كده في حتة ما فقط ... ماهو لو مكنش فيه دم كنا قولنا خطف عادي او فتحت الباب شممها حاجه وخطفها لكن فيه دم يبقى اكيد فيه عنف يبقى على الاقل كنت دربك البيت شويه ... يعني تمام هي اللي عامله الخطه بس واحده عملت خطه بالحبكه دي مش هيفوتها تفصيله زي دي ..
بالنسبه للكاست فتاريخهم كلهم معروف وقولت قبل كده ... مع بيجا الحقيقه ظننت اني هحبها وخصوصا عيونها تجنن بنت الايه وخاب ظني ... شوف يااخي مرتبطه باراس ودمها تقيل وتمثيلها يجلط.. غونجا اساسا مبدعه عامله الدور كويس يمكن مشاهدها مكنتش كتير بس مشاهد قطع ضفرها وقطع ايدها وانها تخليها يخبطه بطوبه كانت فجه انا قشعرت الحقيقه يعني قادره قادره .. وكمان مصطفى ماسك دور الظابط ... سيشكن عامل قصة شعر موظف حكومه :D بس طبعا عامل الدور ولا غلطه ... هو وغونجا قدروا يعملوا موجه من تقلبات المشاعر عندي ... عرفت اكرهم اوقات وعرفت احبهم واتعاطف معاهم اوقات ...
المسلسل الحقيقه جميل مكنش اقل من توقعاتي الرايتنج بتاعها كاول حلقه مش اووي ياعالم ممكن يرتفع ولا ايه ... شوفت تعليقات زي غونجا استعجلت ع البطوله او انها ماتشلش مسلسل او ان الكابل مش حلو وانها مبينه اكبر منه ... انا مش فاهمه ايه معني تشيل مسلسل!! يعني متقدرش تشيله في حالة انها مفتقره للموهبه او كده ولا لازم تكون بنت موزه وكاريزما وتتحرق موهبتها يعني .... ده الفيلم اللي واخد الاوسكار البطله بتاعته مفيهاش ذرة انوثه وحبت حيوان !! يعني محدش بياخد بمعاير الجمال والكابل يبقى واو غير الاتراك وخاصة متابعى العرب للدراما التركيه واصلا غونجا اصغر من سيشكين ولكن سوشي اللي حلاوه شويتين ومقطقط ومش باين انه 36 سنه :D ومشاهده هو وغونجا جميله الحقيقه ولطيفه <3 b="">